1.  Muda giot ho tu ginjang, tu nasonang sai palingkas roha mi.

Songon pidong do na habang mur tu ginjang lopus bolkas ho tu si.

2.  Sai paloas au manopot angka dongan na di hangoluan i

Anso dohot suruanMu Debatangku, au mamuji Ho disi

3.  Ale Jesus siangkaan ni hasian na manghaholongi Ho

Sai padomu au muse ma tu nasida, na sonang di Surgo do.

4.  Nada lohot be rohangku tu artangku angka na di tano on

Atik pe di hasiangan au mardagang, laing tu Surgo rohangkon.

5.  Lehen ma haporsayaan, hagogoan manorus i sasude

Sai malungun do rohangku di Tuhanku bo di ingananNa pe.

6.  Na momo do tarpatupa Debatanta hamogaan sun denggan

Sian pintu hamatean, laing taroban Ia hita ma sonang.

7.  Jesus do pasae dosanta, bo utangta nada tinggal be disi

Haru kehe hita modom tu tanoman, mangulahi ngot muse.