1.  Maribak langit ni langitan, dibaen holong ni roha-Mi

Marnida hami na hancitan, patar patar holong ni roha-Mi

Sede hajolmaon marnida, pangisi ni portibi on

Ro Ho sian Banuaginjang manghopkop sipardosa on

2. Diporsan Ho do sasudena, dosa ni hajolmaon i

Harani i marutang hosa, Ho manggarari i sude

Ditaon Ho do hamatean di hayu na pasilang i

Padohot hami on manean na sonang na di Surgo i

3.  Di Ho hudok tarimakasi, sian godang ni rohangki 

Nuaeng madung sesa dosangku, harani hamateanMi 

Malua sian hamatean harani holong rohaMi

Hupuji goarMi o Tuhan, salolot ni lolotna i.

4.  Antong sai Ho nampuna au sapanjang au di tano on

Denggan pe au marpangalaho, laho pasangap goarMi 

Sai tiruonku pambaenanMu manghaholongi dongan i 

Haulkononku ma diringku, maniru Ho o Tuhanki.