1.  Na martua ninna Yesus, nadangol tondi na i.

Halahi do angkon tulus, tu banua ginjang i.

Sai sonang roha na i, namarmomos hata i.

2.  Halahi na marsak roha niapoan do muse 

Arsak i mambahen jora, pangapoi ro pade 

Sai na sonang roha ni halak niapoan i.

3.  Na martua do sudena na lambok marroha i

Tano on ro di isina halahi manean i

Sai na sonang roha ni na lambok marroha i.

4.  Tondi na male, manguas, mida hatigoran i 

Butong jana sombu nguas, teanon ni halahi 

Sai na sonang roha ni halak na sai butong i.

5.  Angka na maribo roha, ninna Tuhan Jesus i 

Asi roha dapotanna tumbas ni na songon i 

Sai na sonang roha ni halak siparasi i.

6.  Angka na ias marroha, idaonna Debata 

Hum na ias di rohana halahi martua ma 

Sai na sonang roha ni na ias marroha i.

7.  Angka na mangoban dame, i anak ni Debata 

Na mangorom angka late dohot parbadaan pe 

Sai na sonang roha ni na mambaen dame i.

8.  Angka na niayakayak hara hatigoran i 

Tua do na diparayak di Banuaginjang i 

Sai na sonang roha ni na tigor marroha i.