1.  Sai ingot Jesus Tuhanmi, naro manopot jolma

Na maninggalkon surgo i, na gabe dongan jolma

Sai ulang halupahon i, 

i do hangoluanta i, tapuji ma Ibana.

2.  Sai ingot Jesus Tuhanmi manaon parhancitan 

Di hayu na pasilang i 

humopkop ho pardosa 

Ho do patut manaon i 

na dung hona tu Jesus i 

Sai puji ma Ibana

3.  Sai ingot Jesus Tuhanmi, na ngot sian na mate

Di ari patoluhon i 

rumar do tanomanNa 

Harani i tarbaen do 

mangolu sogot dohot ho. Sai puji ma Ibana.

4.  Sai ingot Jesus Tuhanmi, 

na sangap do Ibana 

Madung manaek tu Surgo i 

tu lambung ni AmaNa 

Inganan hasonangan i 

madung singkop di ho disi. Sai puji ma Ibana.

5.  Sai ingot Jesus Tuhanmi, 

na mulak do Ibana 

Manguhum sandok jolma i 

songon didok HataNa 

Padenggan rohami tongtong sapanjang ho di tano on. Sai jagit ma Ibana.

6.  O Jesus tolong ma au on sondangi ma rohangku 

Urupi au di tano on 

maniru pambaenanMu 

Gorgahon ma tu rohangkon goarMu na badia i. 

Pamasuk au tu Surgo.