1.  Sai denggan do ditogu Ho, o Tuhan

Angka nadung sahat tu tangan Mi.

Somago tapi na tu hangoluan,

nasida namaniop hata Mi

Jot-jot suhar do dalan Mi dison,

dipikir sasude na jolma i.

Homang roha pangalaho na i.

Di ujung na pe, monang Ho tong-tong

2.  Angka na so malo manimbang roha i do na momo, na nayang di Ho

Sude na giot di patunduk jolma 

apala i do dipatimbul Ho 

Na nipasego ni pangago i paulionMu do denggan ture Diulang Ho tahina i sude tondiMu do manghuasoi i.

3.  Na godang dohot sangap adop jolma, 

i ma soada adop mataMi 

Bo pe na menek na bile, di roha ; 

hasian bo haholonganMu i 

Denggan ni tompa dohot rupa i, mago muse, na so parguna i

Hum roha na hombar tu rohaMi, hum i do na tama tumbuk di Ho.

4.  Sangap di Ho, ale Debatanami 

denggan sude na nisarihonMi 

Muda TondiMu papistarkon hami 

mangarti do, sai holong rohaMi 

Songon di tangan laing diabing Ho 

dakdanakMi na pogos, na gale 

Anso ma sonang halahi sude 

umpe sangkibung tola mago pe.

5.  Na so tartahan Ho na geduk roha, 

hum na burju do haholonganMi 

MataMu do marnida di na golap 

torang di Ho sudena na buni 

Ulang be loas hugagai Ho, 

hualo, hutangkangi hataMi

Urupi au mamorso rohangki, 

asa tongtong au mangihutkon Ho.

6.  Sai tarik ma rohangku tu rohaMu 

asa toguhon au tu dalanMi 

TondiMu ma mangara di rohangku 

sai talu ma na so ture disi 

Tuhanku dohot Debatangku Ho 

na dung di Ho tola muse di au 

Muda bonar jana na monang au 

sai ro ma Ho, padomu au tu Ho.