1.  O Jesus tu adopan-Mi,

ro au mangoku dosang-ki.

Sai sesa ma sudena i,

marhite-hite mudar-Mi

2.  Roha na ias na basa lehen di au o Debata

Anso huhaholongi Ho 

salolot au mangolu do.

3.  Laing Ho ma pangondinganki, 

hatiha parmaraan ro

Ulang ma songgop tu au on 

tilako na di tano on.

4.  Dung bolkas au tu tanganMi na dung di au di Ho do i

Tuhanku Ho, jagohon au, hataMu ma pangolu au.

5.  Ho ma pajopkon rohangki markitehite goarMi

Hombar haporsayaanki sude na pambaenanki.

6.  Di Ho marguru au sajo podahon na tumbuk di Ho

Jumolo harajaanMi 

sian sudena ngolungki.

7.  Muda gale, tolongi au tu porang pargogoi au

Hataluanku dao ma i, pamonang au di dosa i.

8.  Sai ulang loas rohangki lohot tu hamoraan i

Hum balanjongku lehen ma, na asing sipat na tama.

9.  Dung giot sude bohalki sarihon au naposoMi

Harani Jesus AnakMi 

pamasuk au tu Surgo i.