1.  Pasahat ma sude na, marsak ni rohami.

Tu Debata Jahowa, Raja di Surgo i.

Marguru di Ibana, bo tano bope laut,

bahat ditahi jolma, rohaNa do na saut

2.  Padiar ma Tuhanmu pasarisari ho

Muda denggan dalanmu sonang dilala ho

Pasahat tu Ibana holosmu sasude

Sai ro ma tolonganNa  martua ho muse.

3.  Na pistar Debatanta gumogo do muse 

Tigor pambaenanNa uhumNa pe ture 

Tongtong dibaen Ia na patut, na tama 

Tu jolma manusia salolotlolotna.

4.  Arop tongtong rohamu di Siparholong i

Diboto Debatamu pakehe hancitmi

Hum tarpaimaima ro hatihana i

Bahat tolonganNia diida matami.

5.  Sai antak ma o Tuhan sude na hancitkon 

Paro ma hangoluan tu au na dangol on 

Tu asi ni rohaMu sahat ma tondingki 

Tutu anggo dalanku sonang ujungna i.