1.  Murdonok do hatiha i, na mulak Tuhan Jesus

Manguhum sandok jolma i,na pantun bo najais.

Disipe mantak martatana mangasahon sere da,

dung gor sude di api.

2. Ni ubung do na mate da, na tigor bo na jahat

Niungkap do pustaha i madung disi tarsurat

Pambaenan ni jolma i, anso dibege halahi

Na dung dibaen nasida.

3. Na hona bura do sude na mangapasi hata

Bo sipaingot na ture, na sian Debatanta

Haru pe raja halahi, na jongjong di hambirang i,

Naroko tumpuknia.

4. O Jesus sai tolongi ma, patogu ma rohangku

Di buku na badia da suratkon ma goarku

Porsaya situtu do au, dosangku ma disesa Ho,

Malua sian uhum.

5. Sogot di haroroMu pe laing Ho pamintoringku

Sai pos rohangku do muse mangolu ma tondingku

Rap dohot angka donganki na mangasahon asiMi,

Tu Surgo masuk hami.