1.  Na denggan situtu do, mamuji Debata

Jahowa nagumogo,  na sai tongtong basa.

Denggan do paboa on,  manyogot  Asi Mi.

Bornginna  mangendehon, burju bo sintong-Mi

2.  Dohot uninguningan na denggan do tutu

Mambaen pamujian di angka na burju.

Ho Tuhan Debatangku, Ho jop ni rohangki. 

Angka pambaenanMu pasonang rohangki.

3.  Sude na nitompaMu na bahat do tutu 

Bo angka pikiranMu  na bagas situtu 

So dapot i tandaon ni jolma na oto 

Tapi hum siastuan ni na porsaya do.

4.  Martua pe na jahat di ginjang tano on

Suman tu duhutduhut na tinggal do tongtong. 

Tibu do dipasidung, santongkin mago i

Hum Ho do na manongtong, Ho na sumangap i.

5.  AloMu o Tuhanku sibaen na jahat i

I ma pasidungonMu sarsar sudena i 

Tapi paginjangonMu ma au naposoMon 

Dilehen Ho do gogo mamuji Ho tongtong.

6.  Panatap ni matangku sonang baenonMi

Marnida hadadabu ni angka alongki

Au giot diagohon hape so tulus i

Na nitahi rohana sundat dibaen Ho.

7.  Martumbur do partigor suman tu hayu i 

Martunas ma nasida suman tu aras i 

Nasida na nisuan tu Bagas JoroMi

Gabe marisi bunga ma alamanna i.